Pagina Inicial»Noticia
Funcionário sira Parlamento Nacional (FPN), hamutuk na’in 19 hussi divisão sira hanessan DIPMA, DGARH, DIRPEC, DIRAT, DICOM, DIA, DDRH, DIF, no CPIG iha secretariado Parlamento Nacional nian tuir formação kona-ba Lei de Orçamento e Gestão Financeira Lei n.o 13/2009, Objetivo de Desenvolvimento Sustentável, Avaliação de Políticas em Países desenvolvimento, Analisa Orçamental no Contratação Pública e Aprovisionamento.
Formação ne’ebé realiza iha loron 22 too 26 fulan fevereiro tinan 2021, iha Município Liquiçá ne’e liu hussi projeto Public Financial Management and Oversight (PFMO), ne’ebé financia hussi União Europeia no gere hussi Instituto Camões, IP.
Formação refere loke no encera hussi Secretário-Geral Adjunto do Parlamento Nacional, João Rui Amaral, ne’ebé hussu ba funcionário sira atu aproveita formação refere hodi aumenta conhecimento nune’e fó prestação serviço ne’ebé qualidade liután ba Parlamento Nacional.
Iha mundo globalização ho desenvolvimento ciência no conhecimento oioin, Funcionário sira tem que prepara an didi’ak, melhoria conhecimento hodi enfrenta desafio iha futuro, liuliu contribui ba desenvolvimento institucional.
Embaixador União Europeia iha Timor-Leste, Andrew Jacobs, hatete União Europeia continua iha cometimento atu apoia Timor-Leste liuliu iha capacitação recurso humano hodi participa iha desenvolvimento nacional.
União Europeia continua iha cooperação serviço ho instituição Estado nian liuliu Parlamento Nacional atu facilita no apoio desenvolvimento tuir plano no programa ne’ebé mak iha.
Entretanto Embaixador Portugal iha Timor-Leste, José Pedro Machado Vieira, hatete Portugal hanessan nação ne’ebé iha ligação especial ho Timor-Leste iha tinan barak nia laran, continua acompanha no contribui ba processo hotu liuliu desenvolvimento nacional.
Portugal contínua iha prontidão atu apoia Timor-Leste iha área oioin tuir necessidade ne’ebé nação ne’e iha.
Formador ba formação ne’e mak Dr. Daniel Goulão, Dra. Margarida Rodrigues no Dr. Antonio Maia. Hafoin encera, fahe mós certificado ba formando sira.
