Parlamento Nacional, liu hussi Comissão A, ne’ebé trata assunto Constitucionais e Justiça, halo audiência ho Diretor da Polícia Científica e de Investigação Criminal (PCIC), Vicente Fernandes e Brito, hodi debate kona-ba criação Lei Organização Investigação Criminal, iha loron 25 fulan fevereiro tinan 2021, iha sala reunião Comissão nian.
Depois da reunião, Diretor PSIC, ba jornalista sira hatete, reunião ida ne’e hodi cumpri pedido audiência ba comissão A, em relação ho parecer Comissão A ba Orçamento Geral do Estado 2021, ne’ebé sita mos kona-ba precisa desenvolve situação balun atu nune bele facilita no viabiliza iha âmbito investigação criminal nian, entre PCIC ho órgão policial sira seluk.
Diretor PCIC afirma liu tan katak, encontro ida ne’e importante duni, para atu bele lori processo investigação sira lao ba oin, no lao diak, precisa separação competência genérica e competência especifica cada policial, atu nune’e labele sobreposição.
Presidente Comissão A, Deputado Joaquim dos Santos “Boroluli”, ba jornalista sira hatete, reunião ida ne’e, atu rona PCIC nia hanoin ruma kona-ba, problema ruma iha investigação, liu-liu relaciona ho problema Policia Nacional de Serviços de Investigação nian. Existe conceito rua ne’ebé substancia diferente, ida halao knar científica ida fali serviço de investigação, serviço sira tuir ordem judiciário nian hotu, desempenha serviço administração processual sira, no serviço ba descobrimento ba causa sira.
Tanba ne’e, Comissão A hanesan representante povo ho knar atu halo legislação sira, depois de rona tia informação husi Sr. Diretor kona-ba ninia knar sira, Comissão to’o iha conclusão ida katak, precisa halo Lei ida kona-ba Organização de Investigação Criminal. Iha tempo badak Deputado hussi Comissão A sei hato’o ba Parlamento projeto de lei ida kona-ba organização de investigação criminal hodi halo discussão e aprovação.
Reunião ne’e preside hussi Presidente Comissão A, Joaquim dos Santos “Boroluli”, acompanha hussi Deputado sira Comissão nian, conta ho Presença Diretor PCIC, Vicente Fernandes e Brito ho nia comitiva.
