Parlamento Nacional, liu hussi Comissão A, ne’ebé trata assunto Constitucionais e Justiça, halo audiência ho Coordenador Nacional Rede ba Rai, Pedrito Vieira ho nia comitiva, iha loron 24 fulan fevereiro tinan 2021, iha sala reunião Comissão nian.
Depois da reunião, Coordenador Nacional Rede ba Rai, hatete, reunião ida ne’e ho objetivo, atu informa ba Deputado sira, hanesan representante povo, problema ne’ebé mak comunidade Caicoli enfrenta relaciona ho hela fatin comunidade nia ne’ebé mak atu utiliza ba alargamento ba construção edifício foun Polícia Nacional Timor-Leste (PNTL) nian.
Hussi parte seluk, Presidente Comissão A, Deputado Joaquim dos Santos “Boroluli”, ba jornalista sira hatete, relativamente ho caso ida ne’e, Comissão sei rona tan hussi parte Ministério da Justiça iha tempo oin mai molok Comissão halo parecer ba Parlamento.
Presidente Comissão A, acrescenta liu tan katak, Comunidade sira pronto atu contribui ba decisão política hodi halo desenvolvimento, maibe, sira hussu atu considera direito balun ne’ebé lei protege ba cidadão sira nian.
