Parlamento Nacional, liu hussi Comissão F ne’ebe trata assunto Saúde, Segurança Social e Igualdade Género, lidera hussi Vice-Presidente Comissão, Deputado Felix da Costa “Anin Buras”, acompanha hussi membros Comissão sira, halo fiscalização ba Hospital Lahane, iha loron 18 fulan fevereiro tinan 2021.
Depois de visita, Vice-Presidente ba jornalista Parlamento Nacional nian hatete, objetivo hussi fiscalização ne’e atu hare diretamente construção ba edifício Hospital Lahane ne’e inclui recurso sira.
Vice-Presidente relata katak, condição hospital refere di’ak inclui recurso sira, no fó esperança nafatin ba Governo hodi continua assegura condição hodi halo manutenção rutina.
Além de ne’e, Comissão G ne’ebé trata Assunto Educação, Juventude, Cultura e Cidadania, hetan apresentação hussi Assessor Bruno Lencastre, kona-ba Programa Lian Povo no Debate do Cidadão. Objetivo hussi programa ida ne’e maka, garante participação efetiva hussi sociedade civil iha processo democrático, buka atu conhece no hato’o aspiração no necessidade timor oan nian hodi Parlamento Nacional tau iha consideração. Atividade ne’e preside hussi Presidente Comissão G, Deputado António Verdial de Sousa, conta ho participação hussi membro Deputado comissão nian.
