Pagina Inicial»Noticia
Parlamento Nacional liu hussi sessão plenária ordinária iha loron 9 fulan fevereiro tinan 2021, aprova ona Proposta de Lei n.o 15/V(2ª) – Autorização Legislativa sobre as Bases Gerais da Organização da Administração Pública, ho 33 votos a favor, 10 contra no 8 abstenções.
Aprovação ba proposta de lei ne’e hetan presença hussi Ministro da Presidência do Conselho de Ministros, Fidélis Manuel Leite Magalhães, Ministro dos Assuntos Parlamentares e Comunicação, Francisco Martins da Costa Pereira Jerónimo.
Iha sessão plenária ne’e mós Comissão F ne’ebé trata assuntos de Saúde, Segurança Social e Igualdade de Género, apresenta nia relatório fiscalização ba Município Baucau no Aileu.
Entretanto iha intervenções diversas nian, Deputado sira continua apresenta preocupação povo nian liga ba necessidade básica nian, hanessan bee-moos, estrada, condição física ba escola sira, subsidio ba veterano sira no menos ai-moruk iha hospital sira.
Ministro dos Assuntos Parlamentares e Comunicação, Francisco Martins da Costa Pereira Jerónimo, hatete Governo regista no contínua resolve preocupação sira ne’ebé Deputado sira apresenta iha plenária.
Preocupação hirak ne’e continua informa ba ministério relevante hodi soluciona tuir necessidade ne’ebé mak iha.
Sessão plenária ne’e preside hussi Presidente Parlamento Nacional Aniceto Longuinhos Guterres Lopes, acompanha hussi membro da Mesa sira no hetan presença hussi Ministro da Presidência do Conselho de Ministros, Fidélis Manuel Leite Magalhães no Ministro dos Assuntos Parlamentares e Comunicação, Francisco Martins da Costa Pereira Jerónimo.
