Pagina Inicial»Noticia
Comissão E ne’ebé trata assunto Infraestruturas iha loron 3 too 5 fulan fevereiro tinan 2021, halo atividade fiscalização iha Município Lautém.
Atividade fiscalização ne’ebé lidera hussi Presidente Comissão E, Deputado Abel Pires da Silva, acompanha hussi membro sira comissão nian ne’e hahú ho reunião ho Administrador Município Lautém, Domingos Savio, acompanha hussi Diretor Obras Publica Município Lautém, Agencia de Desenvolvimento Nacional (ADN), Eletricidade de Timor Leste (EDTL), Agua no Saneamento, Planeamento Desenvolvimento Municipal no Camara de Comercio e Industria Município Lautém.
Durante reunião ho Administrador Município no diretor sira, apresenta ba Deputado sira kona-ba projeto hirak ne’ebe lao iha Município Lautém, condição serviço sira inclui dificuldade ne’ebé direção sira ne’e enfrenta hodi hala’ó-nia serviço.
Administrador Município Lautém hatete, Município Lautém horas ne’e daudaun enfrenta dificuldade barak liuliu infraestrutura nian, hanessan estada vila Município Lautém, no estrada hirak ne’ebé halo ligação ba posto administrativo sira.
Entretanto kona-ba condição serviço no facilidade hodi tulun serviço sira sei menos, nune’e afeta ba produtividade serviço nian.
Hafoin reunião, equipa Comissão E continua ba observa estrada ligação Lospalos ba Suco Lore I no II, estrada Lospalos Vila, no edifício obras publicas município no subestação EDTL município.
Loron tuir mai, Comissão E continua observa estrada ligação Suco Com ba Lospalos Vila, estrada Pairara no estrada ligação Suco Wairoque.
Durante fiscalização ba estrada sira, equipa Comissão E hassoru malu mós ho empresa hirak ne’ebé responsável ba projeto estrada sira, hodi rona informação no observa condição real hussi estrada refere.
