Pagina Inicial»Noticia
Comissão E ne’ebé trata assunto Infraestruturas, apresenta ba plenária, relatório fiscalização iha Município Ainaro, Ermera no Liquiçá.
Relatório ne’ebé lê direta hussi relatora, Deputada Maria Anabela Savio, acompanha hussi Presidente Comissão E, Deputado Abel Pires da Silva, iha sessão plenária loron 2 fulan fevereiro tinan 2021 ne’e relata kona-ba realidade ka fatos hirak ne’ebé comissão deteta durante fiscalização.
Iha intervenção diversa, Deputado sira continua apresenta preocupação povo nian liuliu menos bee-moos, estrada, eletricidade iha área rural inclui preocupação sira seluk hodi Governo bele responde.
Ministro dos Assuntos Parlamentares e Comunicação, Francisco Martins da Costa Pereira Jerónimo, hatete Governo contínua resolve preocupação hirak ne’ebé povo enfrenta liuliu liga ba necessidade básica nian.
Entretanto iha período da ordem do dia nian, Deputado sira halo aprovação ba Proposta de Resolução n.o 3/V(2ª) – Adesão de Timor-Leste à Convenção de Nova Iorque sobre o Reconhecimento e a Execução de Sentenças Arbitrais Estrangeiras, ho votos 31 a favor, 0 contra no 3 abstenções.
Sessão plenária ne’e preside hussi Presidente Parlamento Nacional em exercício, Maria A. Lopes Sarmento, acompanha hussi membro da Mesa sira no hetan presença hussi Ministro da Presidência do Conselho de Ministros, Fidelis Manuel Leite Magalhães no Ministro dos Assuntos Parlamentares e Comunicação, Francisco Martins da Costa Pereira Jerónimo.
