Pagina Inicial»Noticia
Presidente Parlamento Nacional, Aniceto Longuinhos Guterres Lopes, halo reunião mensal ho Presidente República, Francisco Guterres «Lu-Olo», iha Palácio Presidencial Bairro-Pite Díli, iha loron 20 fulan janeiro tinan 2021.
Hafoin reunião, Presidente Parlamento Nacional informa ba jornalista sira katak durante reunião mensal ne’e ko’alia liu kona-ba serviço parlamentar durante ne’e.
Alem de ne’e, Presidente Parlamento Nacional mós informa kona-ba prioridade Parlamento Nacional liuliu kona-ba processo legislativo sira, tanba ne’e hanessan órgão soberano ididak ho nia competência no função maibé importante mós coordena no atualiza ba serviço importante sira.
Nune’e Parlamento Nacional hahú kedas iha fulan janeiro too inicio outubro sei concentra makas ba processo legislativo sira, hanessan halo alteração ba legislação balun hodi atualiza ho realidade ne’ebé acontece.
