Pagina Inicial»Noticia
Parlamento Nacional liu hussi sessão plenária ordinária iha loron segunda-feira, 18 fulan janeiro tinan 2021, hili ona Expedito Loro Dias Ximenes hussi jornalista ho votos 36 compara ho candidato Jordão Antero M. Henrique ho votos 29 no Benevides Correia Barros husi área jurista, no votos 53 a favor, 6 contra, 4 abstenções no 2 la vota, hodi sai membro Conselho de Imprensa.
Candidatura sira mak hanessan Sr. Expedito Loro Dias Ximenes, apresenta hussi Bancada CNRT, Sr. Jordão Antero Marques, apresenta hussi Bancada PLP no Sr. Benevides Correia Barros, apresenta hussi Bancada PD.
Hafoin ida-ne’e ne’e, Deputado sira mos halo votação ba Edição Jornal Parlamento Nacional no. 49, I Série-A e no. 90, I Série-A, ho votos 54 a favor, 0 contra no 4 abstenções.
Além de ne’e, Deputado sira mos aprova Voto de Pesar ba acidente aéreo no terramoto ne’ebe acontece iha Indonésia, ho votos 50 a favor, 0 contra no 0 abstenções.
Iha sessão plenária ne’e mos Comissão F, ne’ebé trata Assunto Saúde, Segurança Social e Igualdade de Género halo apresentação ba relatório fiscalização ba município Díli no Ainaro; Comissão D, ne’ebe trata assunto Economia e Desenvolvimento apresenta relatório fiscalização ba Município Bobonaro.
Iha intervenção diversas, Deputado sira questiona problema sira iha áreas importantes ligado ho vida população nian, desenvolvimento pais nian no covid-19 ne’ebé ameaça ema nia a vida, problema sira ne’e hotu precisa atenção imediato hussi Governo.
Hatán ba preocupação sira ne’e, Ministro Assuntos Parlamentares e Comunicação, Francisco Jerónimo hatete, recomendação sira iha relatório fiscalização município nian, iha ação balun ne’ebe mak ministério competente implementa hela tuir orçamento ne’ebe iha; relaciona ho estudante sira iha Atambua Governo halo hela coordenação ho agência consular Atambua mak tau matan no protege sira; relaciona ho transporte Ró ba Oecússi, Conselho Ministro fó ona decisão ida atu transporte Oecússi lao normal, no nafatin cumpri regra WHO; Fronteira sei nafatin taka, karik loke só iha caso especial; Informação hussi Bispo Maliana, atu seidauk bele hahú cerimonia misa ne’ebe halibur ema barak iha área fronteira sira; informação seluk sei canalize ba ministério competente hodi fó atenção ba problema sira ne’e.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa sira, conta ho presença, Ministro Assunto Parlamentares e Comunicação, Francisco Jerónimo.
