Pagina Inicial»Noticia
Parlamento Nacional liu hussi sessão plenária ordinária iha loron 12 fulan janeiro tinan 2021, halo debate ho Governo kona-ba Covid-19 no implementação medida sira iha estado emergência dassiak ne’e.
Pedido ba debate ne’e apresenta hussi bancada CNRT ho objetivo atu hatene lala’ok implementação estado emergência dassiak nian.
Hafoin declaração hussi Vice-Presidente Bancada CNRT kona-ba rasão apresenta pedido debate ho Governo, continua kedas ho apresentação hussi Vice-Primeiro-Ministro, Jose Maria dos Reis, acompanha hussi membro Governo sira, kona-ba implementação estado emergência dassiak.
Durante debate, Deputado sira continua hussu ba Governo atu melhoria atendimento no implementação estado emergência nian.
Sorin seluk, Deputado sira mós hussu kona-ba implementação cesta básica iha território tomak inclui capital Díli rassik.
Ba preocupação hirak ne’e, Vice-Primeiro-Ministro, Jose Maria dos Reis ho nia membro Governo sira promete atu continua implementa no assegura regra hirak ne’ebé aprova ona no hadi’a erro ruma ne’ebé acontece.
Governo reconhece iha desafio barak maibé la impede atu resolve problema hirak ne’ebé urgente no assegura nafatin economia nação nian.
