Pagina Inicial»Noticia
Grupo das Mulheres Parlamentares de Timor-Leste (GMPTL) apresenta nia relatório fiscalização ba Município Ainaro, iha Sessão Plenária, iha loron 05 fulan janeiro tinan 2021.
Relatório atividade fiscalização ne’ebé hala’o iha loron 21 fulan agosto tinan 2020 ne’e relata kona-ba dificuldade hirak ne’ebé feto sira hassoru liuliu Uma Mahon sira. Tanba ne’e, hussi relatório refere fó mós sugestão barak ba Governo liuliu ministério competente hodi resolve.
Hafoin halo apreciação ba relatório GMPTL nian, continua kedas ho apresentação declaração bancada parlamentar KHUNTO ne’ebé ko’alia kona-ba distribuição cesta básica ne’ebé iha fatin balun hamossu preocupação.
Entretanto iha intervenção Deputado sira-nian, contínua preocupa ba necessidade básica povo nian, nune’e hussu Governo atu resolve.
Hatán ba preocupação hirak ne’e, Ministro dos Assuntos Parlamentares e Comunicação Social, Francisco Martins da Costa Pereira Jerónimo, hatete preocupação hirak ne’e Governo liu hussi ministério competente sira balun iha ona processo atu resolve no balun sei resolve tuir plano no programa ne’ebé Governo prevê ona.
Sessão Plenária ne’e preside hussi Presidente Parlamento Nacional em exercício, Maria A. Lopes Sarmento, acompanha hussi membro Mesa sira, no hetan presença hussi Ministro dos Assuntos Parlamentares e Comunicação Social, Francisco Martins da Costa Pereira Jerónimo.
