Pagina Inicial»Noticia
Presidente Parlamento Nacional, Aniceto Longuinhos Guterres Lopes, inaugura monumento saudoso 2º Comandante Setor Fronteira Sul João Bosco «Tae-Siri», iha Lolotoe Município Maliana, iha loron 28 fulan dezembro tinan 2020.
Iha discurso Presidente Parlamento Nacional hatete Saudoso João Bosco “Tae-Siri” hamutuk ho maun no alin sira lubuk ida mak hatudu dedicação total ba ita-nia libertação no independência.
Timor-Leste precisa nafatin herói hanessan saudoso João Bosco ho forma seluk iha processo desenvolvimento nacional. Tanba ne’e sociedade no povo tomak continua banati espirito herói sira-nian hodi participa iha processo desenvolvimento.
Participa iha cerimonia inauguração ne’e mak hanessan Ministro para os Assuntos dos Combatentes da Libertação Nacional, Júlio Sarmento da Costa "Meta Mali", veterano sira, família saudoso inclui convidado sira seluk.
