Pagina Inicial»Noticia
Parlamento Nacional liu hussi Comissão A ne’ebe trata assunto Constitucionais e Justiça, ne’ebe preside hussi Presidente Comissão A, Deputado Joaquim dos Santos «Boraluli» acompanha ho nia Vice-Presidente Deputado Francisco de Vasconcelos ho membro sira hotu, halo audiência publica ba Projeto de Lei no 6/V/2ª – Lei do Poder Local e Descentralização Administrativa ho Projeto de Lei no 5/V/5ª – Lei Eleitoral Municipal, iha Município Liquiçá.
Audiência pública ne’ebé hetan presença mós hussi Vice-Presidente Parlamento Nacional, Luis Roberto, ne’e hala’o iha loron 22 fulan dezembro tinan 2020.
Presidente Comissão A hatete, hussi audiência hirak ne’ebé Comissão A hala’o iha município sira maioria autoridade local preocupa kona-ba norma ka lei oinsá bele facilita di’ak liután implementação decentralização administrativa, autoridade sira preocupa liu kona-ba receita municipal.
Tanba ne’e precisa tebes considera iha lei refere, nune’e bele facilita processo desenvolvimento municipal tuir espírito lei nian.
Objetivo hussi projeto de lei sira ne’e atu garante liu tan participação ema hotu iha processo desenvolvimento nacional.
Audiência pública ne’e hetan presença hussi autoridade local sira, veterano sira, sociedade civil inclui convidado sira seluk.
