Pagina Inicial»Noticia
Núncio Apostólico iha Timor-Leste, Mgr Marco Sprizzi, halo reunião ho Presidente do Parlamento Nacional, Aniceto Longuinhos Guterres Lopes, iha loron 22 fulan dezembro tinan 2020, iha Gabinete Presidente nian.
Hafoin reunião, Núncio Apostólico hatete, reunião refere ko’alia liu kona-ba missionário sira iha Timor-Leste, oinsá bele contribui di’ak liu tan ba processo desenvolvimento liuliu desenvolvimento humano no espiritual.
Tanba ne’e Núncio Apostólico ne’e hussu atu oinsá Governo bele facilita missionário sira iha Timor-Leste liuliu bele acesso ba visa livre, nune’e bele iha tempo ne’ebé suficiente hodi bele hala’ó-nia knaar.
Preocupação hirak ne’e, Núncio Apostólico informa ona ba órgão soberania sira liuliu Governo ho Parlamento Nacional hodi bele considera.
