Pagina Inicial»Noticia
Presidente Parlamento Nacional, Aniceto Longuinhos Guterres Lopes, acompanha hussi Vice-Presidente Parlamento Nacional, Maria Angelina Lopes Sarmento, halo reunião ho Arcebispo Arquidiocese Díli, Dom Virgílio do Carmo da Silva, SDB, iha loron 21 fulan dezembro tinan 2020, iha Residência Episcopal Lecidere-Díli
Depois de reunião, Presidente Parlamento Nacional ba jornalista sira hatete, objetivo hussi reunião ne’e, atu partilha informação política iha Parlamento Nacional hanessan aprovação ba votos de congratulação 80 anos Arquidiocese Díli nian iha semana kotuk. Presidente Parlamento Nacional, informa liután katak, Parlamento Nacional s órgão do Estado, reconhece papel Igreja nian iha desenvolvimento social no recursos humanos, liuliu iha área educação no moral ba sarani no ba sociedade tomak.
Além de ne’e, ko’alia mos kona-ba alteração Lei Migração e Asilo, ne’ebe mak iha aspeto balun iha ligação ho processo no necessidade missionário sira nia estádia iha nação Timor-Leste.
Iha reunião ne’e, Presidente Parlamento Nacional hato’o mos Feliz Natal ba Bispo no sarani sira hotu iha Timor laran tomak.
Arcebispo Arquidiocese Díli, Dom Virgílio do Carmo, SDB, hato’o agradece ba Parlamento Nacional tanba bele considera hodi aprova felicitação ba Arquidiocese Díli wainhira halo 80 anos, Parlamento Nacional reconhece papel importante Igreja nian durante tinan atus lima halo serviço iha rai ida ne’e e particularmente tinan ualunulu Diocese nia contribuição ba desenvolvimento.
Ikus liu, Arcebispo mos hato’o Boas Festa Santo Natal ba Presidente Parlamento Nacional no Membros Deputado hotu iha Parlamento Nacional.
