Presidente Grupo Nacional Assembleia Parlamentar-Comunidade dos Países da Língua Portuguesa (AP-CPLP), Deputado Francisco Branco, participa iha reunião Extraordinária AP-CPLP liu hussi videoconferência, iha loron 15 fulan dezembro tinan 2020, iha Sala Conferência Parlamento Nacional.
Iha reunião ne’e, Presidente hussi Nação membro sira halo aprovação ba resolução n.ᵒ 1/2020- Aprovação ba Estatuto Rede Jovens Parlamentares AP-CPLP. Iniciativa ida ne’e hanesan continuação ba serviço AP-CPLP nian iha futuro, Timor-Leste nia posição deste inicio apoio ba iniciativa ne’ebe mak apresenta hussi Cabo-Verde.
Além de ne’e, reunião extraordinária ne’e mos, halo moção de solidariedade ba povo no Governo República de Moçambique, relaciona ho situação ne’ebé nação ne’e enfrenta. Timor-Leste iha ligação diak ho Moçambique, tamba sempre fo apoio ba diplomata timor-oan sira wainhira halo campanha política iha tempo resistência iha mundo.
Liu hussi reunião Extraordinária ne’e, países membro sira concorda hodi hili Guiné-Bissau mak sei lidera reunião ba dala X sessão ordinária AP-CPLP nian, iha fulan junho tinan 2021.
Além de participação direta hussi Presidente Grupo AP-CPLP iha reunião videoconferências ne’e, Presidente Parlamento Nacional Timor-Leste, Dr. Aniceto Longuinhos Guterres Lopes mos participa indiretamente, liu hussi apresentação vídeo ne’ebé grava ona.
Marca presença iha reunião ne mak hanessan, Presidente sira Parlamento Nacional membro nian no Presidente sira hussi Grupo Nacional da Assembleia Parlamentar da Comunidade dos Países da Língua Portuguesa (AP-CPLP).
