Parlamento Nacional, liu hussi sessão plenária ordinária, iha loron 15 fulan dezembro tinan 2020, realiza última sessão plenária iha tinan 2020 nian. Iha Período de Antes da Ordem do Dia, discute ponto sira mak hanessan: iha pedido retoma mandato hussi Senhora Deputada Nélia Soares Menezes; pedido justificação falta hussi Deputado sira; apresentação relatório de fiscalização hussi Comissão sira mak hanesan, Comissão Finanças Públicas ba município Covalima (iha loron 19-22 fevereiro 2020), Comissão de Economia e Desenvolvimento ba município Manufahi (iha loron 8-10 julho 2020 no Bobonaro (iha loron 22-25 julho 2020); Comissão Infraestruturas halo visita fiscalização ba RAEOA/ZEEMS (iha loron 7-12 julho 2020 no Visita GMPTL ba município Ainaro iha loron 13 outubro 2020.
Além de ne’e, halo mos aprovação ba Voto de Congratulação ba tinan 80 Arquidiocese Díli nian ho votos 45 a favor, 0 contra no 0 abstenções.
Iha plenária ne’e iha mos declaração política hussi Bancada Parlamentar CNRT kona-ba situação política iha democracia nia laran.
Iha intervenção diversas, Deputado sira questiona problema sira mak hanessan: processo fahe Ro ba Comunidade sira iha Atabae hussi Ministério Agricultura; qualidade no quantidade hahan cesta básica nian ne’ebé mak sai problema; subsídio covid-19 ba uma kain reclamante sira ne’ebé to agora seidauk entrega no problema Estrada, be-moos, eletricidade no mos informação importante sira seluk.
Ikus liu, iha período da Ordem do Dia, Mesa anúncio admissão no hatun ba Comissão de Negócios Estrangeiros, Defesa e Segurança Nacional (Comissão B) no ba Comissão ba Assuntos Constitucionais e Justiça (Comissão A) Proposta Resolução nº 3/V(2ª) – Adesão de Timor-Leste à Convenção de Nova Iorque sobre o Reconhecimento e a Execução de Sentenças Arbitrais Estrangeiras.
Sessão plenária ne’e preside hussi Vice- Presidente Parlamento Nacional, Maria Angelina Lopes Sarmento, acompanha hussi membro Mesa sira, no hetan presença hussi Secretário de Estado Comunicação Social, Merício Juvinal Akara.
