Pagina Inicial»Noticia
Parlamento Nacional liu hussi Sessão Plenária Ordinária, iha loron 01 fulan dezembro tinan 2020, continua halo discussão iha generalidade ba Proposta de Lei nº 23/V (3ª) - Orçamento Geral Estado tinan 2021 nian, discussão ida-ne’e conta ho presença hussi Primeiro-Ministro da República Democrática de Timor-Leste, Taur Matan Ruak, acompanha ho membro Governo sira.
Sessão Plenária ne’e, hahú ho Execução Hino Nacional Pátria, hafoin ida-ne’e, contínua ho relator sira halo leitura ba relatório no parecer hussi Comissão Finanças Públicas (Comissão C) nian.
Hatan ba recomendação sira ne’ebé iha relatório no parecer Comissão C nian, Primeiro-Ministro hatete, Governo anota recomendações importante sira iha documento ne’e para bele hadi’a, ajusta no melhora discussão kona-ba Orçamento Geral Estado ba tinan 2021 nian.
Além de ne’e, Chefe Governo mós acrescenta liu tan katak, Governo concorda ho Comissão C em relação ho Lei Orçamento Gestão Financeira, “tempo ona para ita bele haree oinsá mak ajusta ita-nia Lei Orçamento Gestão Financeira”. Chefe Governo ne’e hatete, iha tempo badak, Governo sei haruka mai Parlamento lei refere, atu nune’e ho aprovação lei ne’e, bele resolve problema barak ne’ebé Comissão C rassik levanta iha relatório no parecer comissão nian.
Iha intervenção Deputado sira nian, questiona kona-ba percentagem execução Orçamento de cada ministério ne’ebé mak maioria menos hussi metade porcento, nune mós questiona kona-ba aumenta orçamento ne’ebé maka’as iha Orçamento tinan fiscal 2021 nian, inclui assunto seluk ne’ebé liga ho programa orçamental de cada ministério.
Sessão plenária ne’e sei continua iha loron tuir mai, 02 fulan dezembro tinan 2020, ho resposta hussi Governo ba preocupação Deputado sira nian, no continua halo aprovação iha generalidade ba Proposta Lei Orçamento Geral Estado 2021 nian.
Sessão plenária ne’e, preside hussi Presidente Parlamento Nacional, Aniceto Longuinhos Guterres Lopes, acompanha hussi Membro da Mesa sira, conta mos ho presença Primeiro- Ministro da República Democrática de Timor-Leste, Taur Matan Ruak hamutuk ho membro Governo sira.
