Comunicado Imprensa
Dia 20-11-2020
Agenda PPN
Presidente Parlamento Nacional, Dr. Aniceto Longuinhos Guterres Lopes, Quarta-Feira, dia 18-11-2020 halao encontro ho Ministra Negócios Estrangeiros e Cooperação (MNEK), Adaljiza Albertina Xavier Reis Magno, iha Gabinete PPN. Objetivo hussi reunião ne’e, MNEK mai fó briefing ba Presidente Parlamento Nacional kona-ba processo Timor-Leste atu adere ba Association of Southeast Asian Nations (ASEAN).
MNEK Adaljiza hatete katak, encontro ho PPN atu breafing kona-ba processo adesão ba ASEAN« ami hussu Presidente hahú ona manda mensagem oinsá Timor-Leste ninia preparação atu sai membro ASEAN, atu órgão soberano hotu-hotu iha linguagem ida de’it quando ko’alia kona-ba ASEAN». Iha oportunidade ne’e mós, Ministra Negócios Estrangeiros no Cooperação ne’e informa kle’an liu tan ba Presidente Parlamento Nacional kona-ba preparação técnico ne’ebé mak quase atu hotu ona.
Atividades Comissão
Comissão Especializada Permanente sira termina ona audiência pública ho Governo ba Proposta OGE 2021, iha loron 17 fulan novembro. Hafoin ida-ne’e Comissão Especializada sira continua kedas ba elaboração relatório no parecer hodi submete ba Comissão C ne’ebe trata assunto Finanças Públicas. Horas ne’e daudaun, Comissão Especializada sira hahú submete ona relatório no parecer sectorial ba Comissão C antes apresenta ba Plenária hodi hahú discussão iha Generalidade no Especialidade.
Tuir resultado reunião Lideres Bancadas, ho Presidente Comissão permanente sira iha loron quarta-feira (18/11/2020) foin lalais nee, nebee lidera hosi Presidente Parlamento Nacional, Dr Aniceto Guterres, aseita atu hahu debate proposta OGE 2021 iha loron 30 de Novembro 2020 lokraik too dia 2 de dezembro 2020, no continua debate iha parte especialidade tuir carater normal, ne’ebé tuir plano sei remata iha dia 15 de dezembro 2020.
Reunião Lideres Bancada mós decide ona atu halao plenária iha dia 24 de novembro 2020 atu haree fila fali Lei Proteção Civil ne’ebé foin lalais Presidente da República veta.
Reuniao Lideres Bancadas mós decide atu adia fila fali agenda ba eleição Membro Conselho Imprensa, tambá, Comissão A Parlamento Nacional sei hein hela carta resposta hussi Candidato AJTL, Virgílio Guterres, relaciona ho carta petição hussi Jornalista sira ba Comissão A.
