Pagina Inicial»Noticia
Comissão Especializada Permanente sira iha Parlamento Nacional, iha loron 17 fulan novembro tinan 2020, halo audiência pública dala ikus ba Proposta Orçamento Geral de Estado (OGE) ba tinan 2021 nian.
Iha audiência pública ba loron ikus ne’e, Comissão sira ne’ebe sei continua halo audiência mak hanessan, Comissão C ne’ebé trata assuntos Finanças Públicas, hamutuk ho Comissão D ne’ebé trata assunto de Economia e Desenvolvimento, halo audiência conjunta ho Ministério do Petróleo e Minerais, Autoridade Nacional do Petróleo e Minerais (ANPM), Instituto do Petróleo e Geologia (IPG), e Timor GAP,E.P.; Comissão E ne’ebé trata assunto de Infraestrutura, iha parte dadeer halo audiência ho Vice-Primeiro-Ministro e Ministro Plano e Ordenamento, Ministro Transportes e Comunicações e Ministro das Obras Públicas, iha parte lokraik continua halo audiência ho Administração dos Portos de Timor-Leste (APORTIL), Agência Nacional de Aviação Civil de Timor-Leste (ANATL), a Autoridade Nacional de Comunicações (ANC), Autoridade da Aviação Civil de Timor-Leste (AACTL) e Tecnologias de Informação e Comunicação (TIC Timor); no ikus liu, Comissão G ne’ebé trata assunto Educação, Juventude, Cultura e Cidadania, halo audiência ho Comissão da Função Pública (CFP).
Durante audiência, ministério sira ho nia órgão tutelada sira apresenta relatório execução OGE 2020 inclui plano no programa OGE 2021 nian.
Entretanto Deputado sira hussu clarificação ba execução orçamento anterior inclui orçamento ba tinan oin, inclui implementação programa sira ne’ebé considera prioridade liu.
Comissão sira seluk ne’ebé conclui ona sira nia audiência, continua elabora relatório no parecer sectorial hodi haruka ba Comissão C ne’ebé trata Assunto Finanças Públicas tuir data ne’ebé previsto iha calendário.
