Pagina Inicial»Noticia
Presidente do Grupo Nacional da AP-CPLP Timor-Leste, Deputado Francisco Miranda Branco, participa iha reunião ba 3ª Comissão da Comunidade dos Países de Língua Portuguesa “Língua, Educação, Ciência e Cultura” liu hussi videoconferência ne’ebé Assembleia Nacional de São Tomé e Príncipe mak sai uma-na’in hodi halo abertura hussi Presidente da 3ª Comissão da AP-CPLP, Deputada Celmira do Sacramento, Iha loron 16 fulan novembro tinan 2020, iha sala Conferência Parlamento Nacional.
Iha intervenção Presidente do Grupo Nacional AP-CPLP de Timor-Leste lori naran Deputado sira hotu Parlamento Nacional nian fó parabéns ba Deputado Duarte Pacheco, ne’ebe eleito ona nu’udar Presidente União Inter Parlamentar. Ida-ne’e hanessan espaço ida hodi bele desenvolve língua portuguesa iha mundo, no tulun membro sira nação CPLP especialmente Timor-Leste.
Liu hussi reunião refere constitui mós grupo rua hanessan Deputado Francisco Branco, envolve iha grupo dahuluk ne’ebe trata kona-ba inclusão de Bolsas no Programa Pessoa nas Instituições Universitárias dos Estados Membros, no Deputada Josefa Alvares Pereira Soares, iha grupo daruak ne’ebe trata kona-ba Elaboração do Memorando sobre os Estudos da Língua Portuguesa no Mundo.
Assunto hirak ne’ebé partilha iha reunião refere mak língua portuguesa iha mundo, programa intercambio entre estudante sira, professor no docente sira hodi hametin relação entre nação membro CPLP.
Marca presença iha reunião ne’e mak hanessan Angola, Brasil, Cabo-Verde, Guiné Bissau, Guiné Equatorial, Moçambique, Portugal, São Tomé e Príncipe no Timor-Leste.
