Secretariado-Geral Parlamento Nacional composto husi Secretária-Geral, Cedelizia Faria dos Santos acompanha husi Adjunto Secretário-Geral, Luís Nascimento da Costa, Diretores, Coordenadores, Chefe Divisões no funcionários Parlamento Nacional, participa iha formação kona-ba Sistema Dalan ba Futuro, ne’ebé facilita husi Unidade Planeamento, Monitorização no Avaliação (UPMA), iha Salão Auditoria Ministério Finanças, Aitarak-laran, iha loron 29 fulan outubro tinan 2020.
Iha abertura Secretário-Geral Adjunto haktuir katak formação ne’e realiza ho objetivo atu eleva conhecimento Dirigentes Secretariado iha conceito Planeamento, Monitorização no Avaliação; ba técnico apoio Comissão sira iha área análise orçamento ba sistema Dalan ba Futuro, hodi nune’e bele melhoria sira nia assistência iha audiência pública ba Orçamento Geral Estado tinan 2021, no mós knaar monitorização no fiscalização ba programa Governo nian husi Deputado sira.
Entretanto iha enceramento, Secretária-Geral Parlamento Nacional aprecia ba formadores hussi UPMA ne’ebé disponibiliza ona sira nia tempo hodi facilita ona formação ne’e, no encoraja mós cada formando atu continua apreende barak, hodi nune’e bele melhoria sira nia atendimento ba Deputado sira, iha exerce sira-nia papel.
Formação ne’e organiza husi Divisão Planeamento, Monitorização no Avaliação (DIPMA) no participa máximo husi estrutura Secretariado Parlamento Nacional ho funcionário sira.
