Parlamento Nacional liu hussi Comissão F ne’ebe trata assunto Saúde, Segurança Social e Igualdade Género, lidera hussi Presidente Comissão, Deputado Noé da Silva Ximenes “Buka Tuir”, acompanha hussi membros Comissão sira, halo fiscalização iha Município Liquiçá iha loron 29 fulan outubro tinan 2020.
Durante reunião Diretora do Centro de Saúde ho representante husi ministério sira iha Município Liquiçá hato’o dificuldade mak hanesan parte veteranos questiona kona-ba Edifício laiha hodi halo serviço, parte MSSI nian questiona konaba Ambulância ou Carro Funerário iha ida deit, difícil atu acomoda pedido hussi 28 sucos, além de ne’e, questiona mos problema edifício ne’ebé mak destacado ba médico sira iha Tibar maibe companhia Zonize destrói tia edifício refere, to’o agora seidauk iha solução. Ho nune’e sira recomenda ba Comissão F atu considera hodi hato’o ba Ministério competente atu toma consideração.
Hatan ba preocupação sira ne’e, Presidente Comissão F informa ba Participante sira hotu katak aproveita ho Osamento Geral Estado 2021 deputados sira sei informa problemas ne’ebe mak parte saude infrenta, veteranus nian no mos parte social nian ba Ministério relevante hodi considera no planeia ba Orçamento Geral do Estado 2021 nian.
Iha reunião ne’e marka presença hussi Administrador Município Liquiçá, Diretora do Centro de Saúde, representante husi Ministério Solidariedade Social, representante hussi Veteranos nomos funcionário administração Município Liquiçá nian.
Depois de reunião Comissão F contínua halo visita hodi hare direita condição Centro Saúde Maubara ho Posto Saúde Vatu-Boro 1 no 2 iha Loes.
