Parlamento Nacional liu hussi Direção de Recursos Humanos, especificamente Centro de Formação hamutuk ho Divisão de Relações Públicas, Comunicação e Educação Cívica, organiza formação parlamentar ba jornalista sira destacada ba Parlamento Nacional ho total jornalista hamutuk 20 pessoas, durante loron rua, 29 to 30 fulan outubro tinan 2020, iha Sala GMPTL.
Objetivo hussi formação ne’e, atu fahe informação kona-ba serviço Parlamento Nacional atu nune’e bele facilita órgão comunicação social sira wainhira halo cobertura ba atividade parlamentar.
Depois de abertura, Secretária-Geral ba jornalista sira hatete, objetivo hussi formação ne’e, atu fahe informação kona-ba serviço Parlamento Nacional nian hare ba base legal sira ne’ebé fo competência ba Parlamento hanesan Segundo órgão soberano iha Nação ida ne’e, inclui mos serviço balun secretariado nian precisa jornalista sira compreende didiak, atu nuneé bele facilita iha sira nia cobertura Parlamentar.
Formador sira mak hanessan, Sr. Paulo da Costa Nunes, Funcionária da Divisão de Apoio as Comissões, lori matéria kona-ba Processo Legislativo Comum no Especial, no Sr. Alberico da Costa Junior, Diretor Analista no Desenvolvimento Media-Conselho Imprensa, lori matéria kona-ba Peace journalism
Formação ne’e rassik hetan abertura hussi Sra. Secretária-Geral Parlamento Nacional, Cedelizia Faria dos Santos, hamutuk ho Dirigente balun Secretariado-Geral Parlamento Nacional, conta mos ho presença hussi representante órgão comunicação social sira mak hanessan RTTL,EP, GMN TV, Jornal Timor Post, STL no media seluk tan.
