Parlamento Nacional liu hussi sessão plenária extraordinária, iha loron 28 fulan outubro tinan 2020, Deputado sira halo discussão no aprovação ba Projeto Resolução nº 60/V(3ª) – Recomenda ao Governo a adoção de medidas para prevenção do infanticídio e abandono de bebes e crianças no nº 61/V(2ª) – Atribuição da nacionalidade timorense a Nugroho Katjasungkana por serviços prestados a Timor-Leste.
Plenária hahu ho aprovação ba Projeto Resolução nº 60/V(3ª) – Recomenda ao Governo a adoção de medidas para prevenção do infanticídio e abandono de bebes e crianças, ho unânime ho votos a favor 38, contra 0 no abstenções 0.
Relativamente ho Projeto Resolução nº 61/V(3ª) - Atribuição da nacionalidade timorense a Nugroho Katjasungkana por serviços prestados a Timor-Leste. Deputado proponente representa hussi Deputado Mariano Assanami Sabino, declara hodi adia discussão, tanba sei completa tan dados balun. Iha parte seluk, Deputado sira husu atu Projeto Resolução ne’e precisa lao tuir procedimento ne’ebé halo ona, katak Mesa baixa ba Comissão Competente, depois Comissão sei halo nia relatório no pareceres hafoin Plenário bele halo discussão hodi decide.
Para além de projeto resolução rua ne’e, Deputado sira presta um minuto de silêncio ba loron ohin 28 de outubro hanessan loron ne’ebé jovertude Sebastião Gomes mate iha Motael, loron ida ne’e considera hanesan loron importante ba Juventude Lorico Asuwain nia luta ba Rai ida ne’e.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira.
