Pagina Inicial»Noticia
Parlamento Nacional liu hussi sessão plenária ordinária, iha loron 20 fulan outubro tinan 2020, Governo halo apresentação plano recuperação económica ba Parlamento Nacional, plano ne’e apresenta hussi Ministro da Presidência do Conselho de Ministro, Fidélis Leite Magalhães, acompanha ho Membro Governo balun.
Iha apresentação Ministro Presidência do Conselho de Ministro, hatete, plano recuperação económica ida aprovado tia ona, ho foca ba agricultura, turismo, habitação, educação, saúde, proteção social no reforma institucional. Plano ne’e combina medida ba prazo badak no prazo mediu hamutuk 17 ne’ebé Governo Constitucional VIII sei implementa to’o tinan 2023.
Plano ne’e fahe ba etapa rua: etapa dahuluk ninia objetivo maka atu hamenos impacto COVID-19 nian liu hussi resposta prazo badak (liuliu iha semestre daruak tinan 2020 nian), no etapa daruak ida ho medida sira médio prazo nian ba recuperação económica (ne’ebé cobre período tinan 2 to’o tinan 3). Fase dahuluk atu evita lakon emprego, apoia família sira no previne taka empresa sira – ho objetivo atu mantem nível consumo no padrão moris nian. Medida sira ba prazo badak inclui fahe bote necessidade básica nian (ka voucher) ho valor $25 ba cada ema (usa registo Uma-Kain), subsídio recuperação fulan haat ba empresa sira ne’ebé regista lakon rendimento, no isenção contribuição sira ba segurança social. Prazo naruk, Ita-nia prioridade política sei habelar objetivo económico ne’ebé amplo hussi Programa Governo Constitucional Daualuk nian, atubele harii dalan crescimento sustentável nian ne’ebé forte liu no desenvolvimento equitativo.
Iha intervenção Deputado sira nian, Deputado sira hussu Governo atu identifica loloos recuperação económica ida oinsá mak atu implementa ba futuro; precisa halo pagamento ba subsídio covid-19 ba comunidade sira ne’ebé seidauk simu; meios oinsa atu distribui apoio cesta básica ninian ba cada cidadão no informação importante sira seluk liga ho plano recuperação económica ne’ebé apresenta hussi Governo.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira no marca presença hussi Ministro da Presidência do Conselho de Ministro, Fidélis Leite Magalhães, Ministro de Assuntos Parlamentares e Comunicação, Francisco Jerónimo no mos membros Governo balun.
