Pagina Inicial»Noticia
Parlamento Nacional liu hussi Comissão F ne’ebe trata assunto Saúde, Segurança Social e Igualdade Género, ne’ebe lidera hussi Presidente Comissão F, Deputado Noé da Silva Ximenes “Buka Tuir” acompanha hussi membro sira, halo fiscalização iha Município Aileu iha loron 14 to’o 16 fulan outubro tinan 2020.
Objetivo hussi fiscalização ne’e atu haree bessik centro saúde no posto saúde sira iha Município Aileu. Nune’e iha loron dahuluk Comissão F visita Posto Saúde Seloi-kraik, hodi rona dificuldade sira hanessan menos vê-mos, transporte hodi facilita programa SISCA ba aldeia ne’ebé dook.
Hafoin ida-ne’e continua visita Centro Saúde Município Aileu, hodi observa condição no facilidade centro saúde refere, liuliu equipamento, vê-mos, no seluk tan atu halo atendimento ba paciente sira.
Fila hussi centro saúde município, Comissão F continua halo reunião ho Administrador Município Aileu, João Tilman do Rego, acompanha hussi diretor sira hodi rona preocupação no dificuldade hirak ne’ebé sira enfrenta durante ne’e.
Iha loron tuir mai, Comissão F fahe ba grupo rua hodi continua halo fiscalização ba Posto Administrativo Remexio ho Liquidoe, hodi haree diretamente condição ne’ebé posto saúde sira enfrenta.
