Parlamento Nacional, liu-hussi Comissão C ne’ebé trata assunto Finanças Públicas, halo reunião ho Embaixador União Europeia, Andrew Jacobs, iha loron 15 fulan outubro tinan 2020, iha Sala Comissão C nian, reunião ne’e rassik preside hussi Presidente Comissão C, Deputada Maria Angelica Rangel.
Depois de encontro, Presidente Comissão C, Deputada Amaria Angelica Rangel ba Jornalista sira hatete, objetivo hussi reunião ne’e, hodi clarifica Sr. Embaixador ninia ausência iha audiência pública ba orçamento Geral do Estado 2020, além de ne’e, koalia mos kona-ba apoio sira ne’ebé União Europeia (EU) fo ba Estado Timor-Leste, liu-liu ba iha área capacitação, apoio ba agricultura, nomos apoio ba Ministério balun.
Presidente Comissão C mos expressa liu tan katak, EU contente ho sistema ida agora, tanba orçamento ne’ebé mak apoio hussi parceiro sira, tama ona iha Orçamento Geral do Estado, hanesan iha orçamento 2020 iha anexo I hakerek mos orçamento ne’ebé apoio hussi parceiro sira, atu nune’e bele facilita órgão fiscalizador sira hodi fiscaliza no parte ida mos atu garante transparência.
