Pagina Inicial»Noticia
Parlamento Nacional liu hussi Comissão F ne’ebe trata assunto Saúde, Segurança Social e Igualdade Género halo reunião ho Organização Aliança ba Labarik Feto, ne’ebe acompanha hussi Plan International, iha loron 13 fulan outubro tinan 2020. Reunião ne’e rassik lidera hussi Presidente Comissão F, Deputado Noé da Silva Ximenes “Buka Tuir”, no acompanha ho membro Deputado Comissão nian.
Objetivo hussi reunião ne’e, Organização Aliança ba Labarik Feto em nome labarik feto iha mundo mai hato’o preocupação kona-ba assédio no abuso online liu hussi media social.
Depois de encontro, representante hussi organização Aliança ba Labarik Feto, Gabriela Fernandes Gomes, ba Jornalista sira hatete, Timor-Leste mos faz parte iha situação ida ne’e. Ho nune Plan International suporta Organização Aliança ba Labarik Feto hodi halo campanha contra ba assédio no abuso online, ho Tema “Labarik Feto ho Igualdade filme Online” atu nune labarik feto sira usa Media Social ho seguro. Organização refere continua halo advocacia hamutuk ho empresas Telecomunicação sira atu nune iha futuro, labarik feto sira usa Media Social tuir regras no seguro.
