Pagina Inicial»Noticia
Conselheiro Máximo Partido Kmanek Haburas Unidade Timoroan (KHUNTO), Jose dos Santos «Naimori Bukar» halo reunião ho Presidente Parlamento Nacional, Aniceto Longuinhos Guterres Lopes, iha gabinete Presidente, iha loron 13 fulan outubro tinan 2020.
Hafoin reunião, Naimori Bukar hatete objetivo reunião ne’e atu hato’o agradecimento ba Presidente Parlamento Nacional tanba consegue dirige Mesa hodi halo aprovação ba Orçamento Geral do Estado 2020 nian.
Tanba horas ne’e daudaun, povo no nação precisa tebes orçamento hodi halo desenvolvimento no responde ba necessidade povo nian.
Presidente Parlamento Nacional aprecia no agradece mós ba Conselheiro Máximo KHUNTO tanba ho apoio bancada KHUNTO nian bele aprova OGE 2020 nian.
