Pagina Inicial»Noticia
Parlamento Nacional iha loron 6 fulan outubro tinan 2020, continua halo discussão ba Proposta de Lei n.o 22/V (3º) – Orçamento Geral do Estado para 2020, iha especialidade.
Debate iha loron daruak ne’e, hahú iha 09h20 loke hussi Presidente do Parlamento Nacional, Aniceto Longuinhos Guterres Lopes hahú ho leitura ba agenda do trabalho no leitura ba orçamento ba Dotação para todo o Governo no mos Proposta de Alteração sira hussi Secretária da Mesa, Deputada Lídia Norberta dos Santos Martins.
Hafoin leitura, Presidente do Parlamento Nacional fó tempo ba Deputado Proponente sira hodi aprofunda sira nia proposta no hetan kedas resposta hussi Governo.
Nune’e, liu hussi discussão naruk proposta balun Deputado proponente sira retira no balun submete ba plenário hodi hetan aprova.
Entretanto orçamento ba Ministério sira ne’ebé aprova iha loron ohin mak hanessan; Dotação para todo o Governo $ 163.447.000; Ministério dos Negócios Estrangeiros e Cooperação $ 20.746.000; Ministério da Justiça $ 11.609.000; Ministério da Administração Estatal $ 14.568.000; Ministério da Saúde $ 42.716.000; Ministério de Educação, Juventude e Desporto Excluindo SEJD $ 67.544.000; Secretário de Estado da Juventude e Desporto $ 2.857; Ministério do Ensino Superior, Ciência e Cultura Excluindo SEAC $ 3.044.000; no Secretário de Estado da Arte e Cultura $ 1.133.000.
Hussi aprovação hirak ne’e, sei iha alteração ba montante balun relaciona ho aprovação proposta alteração sira.
Debate ne’e hotu iha horas 18h42, no discussão especialidade ne’e sei continua iha loron 07 fulan outubro tinan 2020, hodi continua ba ministério hirak ne’ebé seidauk hetan aprovação.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira no marca presença hussi Primeiro-Ministro, Taur Matan Ruak, acompanha ho nia membro Governo sira.
