Pagina Inicial»Noticia
Parlamento Nacional iha loron 5 fulan outubro tinan 2020, hahú ona halo discussão ba Proposta de Lei n.o 22/V (3º) – Orçamento Geral do Estado para 2020, iha especialidade.
Iha loron dahuluk ne’e Deputado sira halo uluk aprovação ba artigo sira iha Orçamento Geral do Estado antes hakat ba orçamento órgão soberano sira-nian.
Hussi discussão refere, mossu mós proposta alteração sira liga ba orçamento ba órgão soberano sira-nian hanessan Presidência República, Parlamento Nacional, Gabinete Primeiro-Ministro, Vice-Primeiro-Ministro sira, Ministério sira no mos Secretária de Estado sira.
Entretanto orçamento ne’ebé mak aprova ona mak hanessan Presidência República hamutuk $ 1.497.100,000; Parlamento Nacional $ 12.040,000; Primeiro-Ministro $5.700,000; Ministro Presidência Conselho Ministro $ 3.807,000; Secretária Estado para a Igualdade e Inclusão $960,000; Ministro Coordenador dos Assuntos Económicos $113.739,000; Secretário Estado Formação Profissional no Emprego $3.765,000; Secretário Estado Cooperativa $2.500,000; Ministério dos Assuntos Parlamentares e Comunicação, incluindo SECS $4.368,000; Secretária de Estado para a Comunicação Social $ 1.237,000; Ministério das Finanças $ 16.513,000; Fundo Covid-19 $ 220.248,000.
Hussi aprovação hirak ne’e, sei iha alteração ba montante balun relaciona ho aprovação proposta alteração sira.
Discussão especialidade ne’e sei continua iha loron 6 fulan outubro tinan 2020, hodi continua ba ministério hirak ne’ebé seidauk hetan aprovação.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira no marca presença hussi Primeiro-Ministro, Taur Matan Ruak, acompanha ho nia membro Governo sira.
