Comissão Especializada Permanente sira, iha loron 25 fulan setembro tinan 2020, termina ona audiência publica ho Governo liu hussi ministério relevante sira ba Proposta Orçamento Geral de Estado 2020 nian.
Iha audiência publica ba loron ikus ne’e, Comissão B ne’ebé trata assunto Negócios Estrangeiros, Defesa e Segurança, audiência ho Ministério da Defesa no F-FDTL; Comissão C ne’ebé trata assunto Finanças Publicas, no Comissão D ne’ebé trata assunto Economia e Desenvolvimento, halo audiência ho Ministério do Petroleio e Minerais acompanha hussi IPG, ANPM no Timor Gap, iha parte loraik Comissão C continua audiência ho Embaixador da União Europeia no Comissão D continua halo audiência ho Secretário de Estado de Cooperativas no Secretário de Estado do Ambiente; Comissão F ne’ebé trata assunto Saúde, Segurança Social e Igualdade de Género, audiência ho Secretária de Estado para a Igualdade e Inclusão.
Entretanto Comissão A, E no G, termina ona sira-nia audiência antes nune’e continua kedas ho elaboração relatório no parecer sectoriais comissão ninian.
Durante audiência discute liu kona-ba relatório execução orçamento duodecimal inclui plano no programa iha proposta OGE 2020 nian.
Hafoin termina audiência, comissão hirak ne’e sei continua halo elaboração ba relatório no parecer iha loron 28 fulan setembro tinan 2020 antes apresenta ba plenária hodi discussão iha generalidade no especialidade ba proposta OGE ne’e.
