Pagina Inicial»Noticia
Parlamento Nacional iha loron 21 fulan setembro tinan 2020, liu hussi Plenária ordinária halo discussão kona-ba execução fundo covid-19 no orçamento duodecimal 2020 nian.
Iha discussão ne’e Ministro das Finanças, Fernando Hanjam, acompanha ho nia Vice-Ministra, Sara Lobo Brites, no Ministro dos Assuntos Parlamentares e Comunicação Social, Francisco Jerónimo, Ministra dos Negócios Estrangeiros e Cooperação, Adaljiza Magno, no Ministra da Saúde, Odete Maria Freitas Belo, apresenta kona-ba execução hirak ne’ebé Governo halo ona, inclui balun iha hela processo pagamento ba verba balun hussi fundo covid-19.
Horas ne’e daudaun processo pagamento ba linha frente no pacote recuperação económica continua lao tuir exigência público nian.
Durante debate, Deputado sira questiona makas kona-ba pacote recuperação no pagamento linha frente ne’ebé too agora seidauk finaliza.
Tanba ne’e, Deputado sira hussu atu Governo precisa concentra no acelera processo pagamento tuir natureza emergência nian.
Sessão plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro da Mesa sira.
