Funcionário sira Parlamento Nacional hamutuk na’in 22 hussi gabinete no divisão sira iha secretariado-Geral, hanessan GEEJ, DIF, DIRAT, CPIG, PMA,DIRPEC, DICOM, DIPLEN, DIPAL, RTPN, no Protocolo, participa iha formação kona-ba Gestão Liderança Tecnica, durante loron 3, hahú iha loron 16 too 18 fulan setembro tinan 2020, iha JL Villa, Dili.
Iha abertura ba formação ne’e, Secretário-Geral Adjunto, Luis Nascimento da Costa, hussu ba funcionário participante sira atu aprende ho di’ak matéria hirak ne’ebé formador sira fó, nune’e bele aumenta conhecimento no capacidade, hodi bele presta serviço ne’ebé qualidade liu tan ba Deputado sira no instituição rassik.
Tanba ne’e, Parlamento Nacional liu hussi secretariado, iha papel no obrigação atu prepara nia recurso tuir plano estratégico Parlamento Nacional nian.
Matéria ba formação mak hanessan; Gestão Pessoal, Gestão Qualidade Atendimento Publico, Ética Administração Publica, Gestão Comunicação Efetiva, Equipa Serviço, no Processo Legislativo Comum no Especial no Formando sira mai hussi Instituto Nacional da Administração Publica (INAP), inclui Parlamento Nacional nian rassik.
Durante formação, halo mós discussão grupo no endivido ba matéria hirak ne’ebé oferece hussi formador sira.
Formação ne’e rassik facilita hussi Divisão ba Centro Formação Parlamentar, ho objetivo atu hassae qualidade no capacidade funcionário sira-nian.
