Parlamento Nacional liu hussi Sessão Solene iha loron 15 fulan setembro tinan 2020, halo abertura ba 3ª Sessão Legislativa ba V Legislatura nian.
Iha sessão solene ne’e marca presença Sua Exia. Presidente República, Francisco Guterres Lu-Olo, no simu direta hussi Secretário-Geral Parlamento Nacional, Cedelizia Faria dos Santos, no Presidente Parlamento Nacional hamutuk ho Membro Mesa sira hein iha escadaria hodi Simu Presidente República, hodi hakat ba Gabinete Presidente Parlamento Nacional nian.
Liu tiha minuto balun nia laran, Presidente Parlamento Nacional, Aniceto Longuinhos Guterres Lopes, acompanha Presidente República, Francisco Guterres Lu-Olo, hakat ba Sala Plenária, hodi hahu abertura ba 3ª sessão Legislativa hussi V Legislatura nian, ne’ebé hahú ho execução hino nacional da República Democrática de Timor-Leste.
Hafoin hino nacional, Presidente Parlamento Nacional loke Sessão Solene ne’e, no contínua halo intervenção, hodi hatete, intervenção ne’e hanesan intervenção dahuluk Presidente Parlamento nian depois de eleito, tanba iha momento neba seidauk hato’o discurso oficial. Depois de discurso ne’e, continua ho Presidente Parlamento fó tempo ba Bancada Parlamentar sira (Bancada PUDD, UDT, FM, PD, KHUNTO, PLP, CNRT, no FRETILIN) hodi hato’o sira-nia declaração bancada nian.
Iha declaração bancada parlamentar sira ne’e, sita liu kona-ba situação dinâmica politica rai laran, situação económica ne’ebé afeta hussi pandemia covid-19, no oinsá buka solucão ba situação sira ne’e hodi liberta povo hussi mukit no kiak.
No ikus liu, Presidente da Republica, Francisco Guterres Lu-Olo, iha discurso koalia kona-ba lalaok situação politica hahu hussi tinan 2018 to’o agora. Além de ne’e, koalia mos kona-ba importante ba partidu hotu-hotu ho asentu parlamentar, atu halao dialogo ho laran-mos no nakloke, hodi buka solução hirak nebe bele garante continuidade no estabilidade ba Governo hodi bele halao nia knar hodi hadi’ak povo nia moris. Além de ne’e, koalia mos koana-ba preparação orçamento 2020 no 2021 hussi Governo mai Parlamento Nacional, atu halo debate no aprova iha tempo badak hodi beneficio ba povo no sociedade em jeral.
Hafoin discurso, Presidente Parlamento Nacional encera sessão solene, no despede Presidente da República.
Sessão solene ne’e hetan presença hussi Vice-Primeiro-Ministro ho membro Governo balun, Ex-Presidente Parlamento Nacional sira, Comandante Geral da F-FDTL, Comandante-Geral da PNTL, inclui convidado importante sira seluk.
