Pagina Inicial»Noticia
Ex-membro Assembleia Constituinte sira iha Legislatura dahuluk, halo reunião ho Presidente Parlamento Nacional, Aniceto Longuinhos Guterres Lopes, iha loron 21 fulan agosto tinan 2020, iha gabinete Presidente nian.
Iha reunião ne’e Ex-membro Assembleia Constituinte sira apresenta preocupação kona-ba Mesa Parlamento Nacional ne’ebé hetan estragos iha fulan hirak liu ba.
Tuir Ex-membro Assembleia Constituinte sira katak Mesa refere hanessan Mesa histórico ida tanba Mesa refere Assembleia Constituinte usa hodi halo assinatura ba Constituição RDTL, no define mós órgão soberano haat iha Timor-Leste.
Alem de ne’e, Ex-membro Assembleia Constituinte sira mós apresenta preocupação kona-ba acesso ba evento ou cerimonia ruma ne’ebé organiza hussi Governo, tanba durante ne’e eis membro Assembleia Constituinte sira la hetan convite ruma hodi participa iha cerimonia importante sira.
