Pagina Inicial»Noticia
Ministro Justiça, Manuel Cárceres da Costa, halo reunião ho Presidente Parlamento Nacional, Aniceto Longuinhos Guterres Lopes, acompanha ho nia Vice-Presidente, Maria Angelina Lopes Sarmento, Secretária-Geral Parlamento Nacional, Cedelizia Faria dos Santos, ho assessor sira, iha loron 13 fulan agosto tinan 2020, iha gabinete Presidente nian.
Hafoin reunião, Ministro Justiça informa katak objetivo reunião ne’e atu discute kona-ba futuro edifício foun Parlamento Nacional nian, tanba condição atual edifício Parlamento Nacional la favorável ona atu acumula recurso hotu hodi halo serviço hanessan segundo órgão soberania.
Tanba ne’e Ministério Justiça hanessan responsável máximo hodi administra bens e imóveis precisa identifica rai hirak ne’ebé apropriado hodi contrui edifício ho espaço ne’ebé bele acumula necessidade Parlamento Nacional nian.
Provisoriamente Ministério Justiça identifica ona rai iha parte Suco Hera, Posto Administrativo Cristo-Rei, Município Díli, quase 10 hectares.
Secretária-Geral Parlamento Nacional, Cedelizia Faria dos Santos, hatete Parlamento Nacional prevê ona nia orçamento ba edifício foun iha Orçamento Geral de Estado 2021 nian hodi concentra iha estudo no desenho, no espera katak iha inicio 2022 hahú ona lançamento ba fatuk dahuluk.
