Pagina Inicial»Noticia
Parlamento Nacional iha loron 11 fulan agosto tinan 2020, liu hussi Sessão Plenária extraordinária ho presença Primeiro-Ministro, Taur Matan Ruak, ho nia membro Governo sira, halo voto confirmação ba declaração de estado de emergência hussi Presidente da República, Francisco Guterres «Lu-Olo», ho autorização hussi Comissão Permanente do Parlamento Nacional iha semana kotuk.
Sessão Plenária extraordinária ne’e hahú ho minuto ida hakmatek ba herói no mártir sira, continua kedas ho leitura ba guião ho mensagem Presidente da República nian kona-ba estado de emergência, hussi Secretária Mesa.
Tuir mai, Presidente Parlamento Nacional, Aniceto Longuinhos Guterres Lopes, fó tempo ba Primeiro-Ministro hodi halo intervenção no clarificação liga ba razão hirak ne’ebe Governo considera hodi hussu extinção estado de emergência.
Numero caso covid-19 hussi nação vizinho sira hanessan Indonésia no Austrália aumenta makas, no circulação iha fronteira fó espaço makas hodi importa covid-19 tama iha Timor-Leste, nune’e Governo decide hodi hussu Presidente República decreta tan estado emergência ho autorização Parlamento Nacional nian.
Deputado sira continua desafia Governo atu halo controlo máximo ba ponto entrada sira inclui resolve problema economia rai laran ne’ebé impacto hussi covid-19 ne’e rassik.
Liu hussi discussão naruk, Deputado sira confirma declaração estado emergência liu hussi votação nominal ho resultado 40 votos a favor, 0 contra no 17 abstenções.
