Pagina Inicial»Noticia
Vice-Presidente do Parlamento Nacional, Maria Angelina Lopes Sarmento, halo encerramento ba seminário kona-ba Controlo Parlamentar Finanças Públicas ne’ebé organiza hussi Parlamento Nacional Timor-Leste liu hussi Comissão C ne’ebé trata assuntos Finanças Públicas hamutuk ho Parceria para a Melhoria da Gestão e Supervisão das Finanças Públicas (PFMO)-C2 Osan Povo Nian Jere Ho Di’ak, iha loron 06 fulan agosto tinan 2020, iha Município Liquiçá.
Iha discurso ba encerramento, Vice-Presidente hato’o agradecimento wa’in ba PFMO ne’ebé mak halo ona serviço hamutuk ho Parlamento Nacional hodi realiza seminário ida-ne’e, nomos ba orador sira hahú hussi primeiro dia to’o último dia. Vice-Presidente mós considera matéria sira ne’ebé mak apresenta durante seminário ne’e útil no relevância ho serviço comissão C nian, no ajuda Parlamentar sira atu prepara an di’ak liu tan atu bele iha bagagem tecnicamente no juridicamente hodi hassoru Orçamento Geral do Estado 2020 e 2021 ne’ebé iha tempo badak sei submete ba Parlamento Nacional, nune’e mós Técnico Parlamento Nacional nian, atu motiva liu tan iha serviço hodi fó apoio di’ak liu tan tecnicamente ba Deputado sira, hodi bele hassa’e di’ak liu tan qualidade serviço Parlamento Nacional ne’e rassik.
Ikus hussi seminário ne’e, PFMO hamutuk ho Parlamento Nacional entrega Certificado de Participação ba participante sira mak hanessan, Deputado sira Comissão C nian, Funcionário Apoio ba Comissão sira, Funcionário sira área Finanças, no Auditória Interna nomos funcionário sira seluk.
