Pagina Inicial»Noticia
Presidente do Parlamento Nacional, Aniceto Longuinhos Guterres Lopes, fó posse ba Adjunto Provedor do Provedoria dos Direitos Humanos e Justiça (PDHJ), ba área Boa Governação, Jose Telo Cristóvão, iha loron 6 fulan agosto tinan 2020, iha Parlamento Nacional.
Presidente do Parlamento Nacional iha nia discurso, lori Parlamento Nacional nia naran hato’o parabéns ba Jose Telo Cristóvão ne’ebe seleciona hodi sai Adjunto PDHJ. Tuir lei, Adjunto PDHJ nomeia direta hussi Provedor ka Provedora PDHJ, maibé foin dahuluk Adjunto PDHJ nomeia liu hussi concurso público, hanessan dalan ida atu garante transparência.
Entretanto Provedora da Provedoria dos Direitos Humanos e Justiça (PDHJ), Jesuína Maria Ferreira Gomes, agradece ba parte hotu ne’ebe serviço hamutuk ho PDHJ hodi bele halo recrutamento ida ba Adjunto PDHJ.
Participa iha cerimónia tomada de posse ne’e mak Presidente do Parlamento Nacional, acompanha hussi membro da Mesa, Presidente Comissão Especializada Permanente sira, lider bancada sira, Provedora PDHJ no convidado sira seluk.
