Pagina Inicial»Noticia
Comissão Permanente iha loron 5 fulan julho tinan 2020, liu hussi Resolução Parlamento Nacional n.o 58/2020, autoriza Presidente da República, Francisco Guterres «Lu-Olo» atu decreta Estado de Emergência, durante loron 30, hahú iha 00:00 horas loron 6 fulan agosto too 23:59 horas loron 4 fulan setembro.
Liu hussi discussão naruk, Resolução refere aprova ho 20 votos a favor, 0 contra no 0 abstenções, la ho presença bancada CNRT.
Comissão Permanente do Parlamento Nacional mós aprova deliberação ida hodi convoca Parlamento Nacional, hodi realiza Sessão Plenária extraordinária iha loron 11 fulan agosto tinan 2020 hodi halo votos confirmação ba resolução ne’ebé Comissão Permanente aprova ona.
Sessão Plenária Comissão Permanente ne’e preside hussi Presidente do Parlamento Nacional, Aniceto Longuinhos Guterres Lopes, acompanha hussi membro da Mesa sira.
