Pagina Inicial»Noticia
Parlamento Nacional liu hussi Comissão C ne’ebe trata assunto Finanças Públicas ne’ebe lidera hussi Presidente Comissão, Deputada Maria Angelica Rangel, acompanha hussi membro sira halo fiscalização iha Município Manufahi, iha loron 3 fulan agosto tinan 2020.
Objetivo hussi fiscalização ne’e atu hare liu kona-ba execução orçamento duodécimo, ho nia dificuldade hirak ne’ebé administração município enfrenta.
Iha reunião ho Administrador Município inclui diretor sira, apresenta preocupação barak liuliu limitação capacidade financeira hodi responde ba necessidade município nian.
Iha área educação nian hanessan problema merenda escolar, no parte seluk controlo ba implementação projeto sira, ne’ebe balun la iha contrato formal.
Iha fiscalização refere, Comissão C mós rona preocupação sira seluk ne’ebé liga ba área infraestrutura hodi informa ba comissão relevante hodi informa ba Governo no buka solução.
