Pagina Inicial»Noticia
Parlamento Nacional liu hussi sessão plenária ordinária iha loron 28 fulan julho tinan 2020, Deputado sira halo apreciação ba relatório hussi aplicação Declaração Estado de Emergência ne’ebé apresenta hussi Primeiro-Ministro, Taur Matan Ruak, ho nia equipa.
Iha intervenção Primeiro-Ministro nian, hatete, caso Covid-19 hamate ema rihun ba rihun iha nação sira seluk, maibé Timor-Leste oras ne’e la iha ona caso ativo.
Primeiro-Ministro, Taur Matan Ruak, mós fó oportunidade ba Porta-Voz do Centro Integrado de Gestão de Crise, Donaciano da Costa Gomes, Capitão de Mar e Guerra, hodi halo apresentação badak relaciona ho relatório aplicação Estado de Emergência iha situação Covid-19 iha Timor-Leste.
Iha intervenção Deputado sira nian, aprecia ba esforço Governo nian hodi combate epidemia surto Covid-19, além de ne’e, hato’o questão kona-ba preparativo sira ba atendimento karik covid ne’e mossu fali, equipamento saúde nian, nomos subsidio iha Estado de Emergência.
Hatán ba questão sira ne’e, Primeiro-Ministro hatete, Estado de emergência laos solução ba problema maibé possibilita criação ba sistema ida ne’ebé permite Estado bele reúne condições hotu hodi enfrenta covid-19, hodi minimiza impacto vírus ne’e iha cidadão nia vida, conta mos ho recurso humanos materiais no recurso financeiro. Sucesso ida-ne’e laos Timor-Leste messak, maibé contribuição hussi parte hotu, ne’e hanessan sucesso coletivo. Mesmo nune’e, vírus ne’e afeta ba vida social economia no agora moris ho condição miséria liu tan.
Primeiro-Ministro mós informa katak, Sala Situação desmantela maibé transfere responsabilidade ida-ne’e ba Ministério Saúde ho ministério relevante seluk hodi acompanha nafatin, tanba Timor-Leste mak la iha ona maibé nação Indonésia sei iha caso barak, tanba ne’e, medidas sanitária ne’ebé ministério saúde fó sai, hotu-hotu tem que cumpri.
Sessão plenária ne’e preside hussi Presidente Parlamento Nacional, Aniceto Longuinhos Guterres Lopes, hamutuk ho membro da Mesa sira, ho Participação hussi Primeiro-Ministro da República Democrática de Timor-Leste, Taur Matan Ruak ho Membro Governo sira.
