Pagina Inicial»Noticia
Comissão E, ne’ebe trata assuntos Infraestruturas iha loron 23 fulan Julho tinan 2020 hala’o fiscalização ba iha Ministério dos Transportes e Telecomunicação, visita de fiscalização ne’e lidera hussi Presidente Comissão E, Deputado Abel Pires, hamutuk ho Deputado sira Comissão nian.
Iha fiscalização ne’e, Comissão halo reunião ho Ministro Transporte e Telecomunicação, José Agostinho da Silva, hamutuk ho Presidente Autoridade Navegação Timor Leste (ANATL), Presidente Associação Portuário Timor Leste (APORTIL), Diretores Nacionais no funcionário sira, hodi rona direita dificuldades no progresso ne’ebé mak ministério ne’e enfrenta, no mos preparação ba elaboração orçamento 2020 no 2021 nian.
Iha reunião ne’e, Presidente Comissão E mos sugere ba ministério atu halo melhoramento ba atendimento ba cidadão sira ne’ebé trata documentos no mos hussu órgão autónomo sira atu halibur receitas barak liu tan hodi ajuda máquina do Estado.
Depois de reunião, iha parte lokraik Presidente Comissão E hamutuk ho Deputado sira halo visita ba Ró Nakroma hodi hare condição Ró refere, nune mos observa direita processo atendimento ba passageiro sira ne’ebe viagem ho Ró Nakroma.
Alem de ne’e, conforme agenda, Comissão sira seluk mos halo atividade mak hanessan; Comissão A, ne’ebé trata assuntos Constitucionais e Justiça halo audiência ho Ministro Assuntos Parlamentar e Comunicação, Ministra Solidariedade Social e Inclusão kona ba Proposta de Lei nº 14/V/2ª-Regime Jurídico de Segurança Social dos Titulares dos Órgãos de Soberania. Nune’e mos, Comissão B, ne’ebé trata assuntos de Negócios Estrangeiros, Defesa e Segurança, halo audiência ho Vice-Ministro Interior no Ministra de Saúde kona-ba Lei Migração e Asilo.
