Pagina Inicial»Noticia
Parlamento Nacional liu hussi Comissão C ne’ebe trata assunto Finanças Públicas ne’ebe lidera hussi Presidente Comissão, Deputada Maria Angelica Rangel, acompanha hussi membro sira halo fiscalização iha Município Ainaro, iha loron 23 fulan julho tinan 2020.
Iha fiscalização ne’e, Comissão C halo reunião ho Administrador Adjunta Município Ainaro, Aguida Judit Mendonça, acompanha hussi Diretor no Chefe Departamento sira, hodi ko’alia kona-ba orçamento ne’ebé aloca ba município refere.
Tanba ho regime duodecimal, Comissão C precisa hatene tuir dificuldade hirak ne’ebe administração município ho nia direção sira enfrenta, liuliu iha estado emergência nian dificulta processo execução orçamento.
Dificuldade barak liu enfrenta hussi direção saúde no educação tanba durante fulan tolu escola sira la ativo inclui parte saúde nian menos equipamento no facilidade atu combate Covid-19, iha município refere.
Ho dificuldade sira ne’e, parte administração município inclui direção sira hussu ba Comissão C atu considera sira-nia preocupação bainhira iha discussão Orçamento Geral do Estado.
