Pagina Inicial»Noticia
Parlamento Nacional liu hussi sessão plenária ordinária iha loron 14 fulan julho tinan 2020, iha período Ordem do Dia, Mesa anuncio ba Deputado sira katak discussão no votação ba Projeto de Lei nº 1/V(1º), sobre Lei Anti-Corrupção adia ba tempo seluk, tanba Comissão A sei halo aprovação ba relatório lei ne’e nian.
Iha período de antes da ordem do dia, Bancada Parlamentar CNRT hato’o declaração política kona-ba Participação hussi Membro balun Forças Defesa Timor-Leste (F-FDTL) no Policia Nacional Timor-Leste (PNTL) iha atividades partidárias nomos arte marciais.
Iha intervenção diversas, Deputado sira questiona problema sira hanessan; propriedade Fundação para o projeto de Agricultura e Desenvolvimento de Timor-Leste (ETADEP) ne’ebe localiza iha Farol Díli, ne’ebe hetan notificação hussi Ministério Justiça atu hussik fatin refere, propriedade refere fundação sossa no sai hanessan propriedade coletiva, laos propriedade Estado nian, nune’e hussu Ministério Justiça atu fó esclarecimento.
Além de ne’e, Professores contratado barak seidauk hetan sira nia estatuto mesmo hanorin tinan barak ona; Banco Mundial halo empréstimo ba microcrédito hanessan Kaibauk, maibé ho funan ne’ebé boot, hussu Governo atu intervém hodi hatún nia funan; precisa normaliza Estrada iha Urahou Município Ermera nomos Município Baucau; Pessoal Segurança Civil nia salario ne’ebé mak ki’ik tebes; Uma sira ne’ebé construi hussi Objetivos Desenvolvimento Milenio (MDG) balun abandonado; karreta ambulância no karreta patrulhamento Policia nian iha Laga condição la di’ak; diferencia loron pagamento ba pessoal de saúde nune’e mós ba pessoal ne’ebé halo pagamento iha tempo Covid nian; Problema necessidade básico sira mak hanessan; bee moos, eletricidade no estrada, precisa estado tau matan.
Sessão Plenária ne’e preside hussi Vice-Presidente Parlamento Nacional, Angelina Lopes Sarmento, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Gerónimo.
