Presidente Parlamento Nacional, Aniceto Longuinhos Guterres Lopes, halao reunião ho Embaixadora Estados Unidos da América iha Timor-Leste, Kathleen Fitzpatrick, iha loron 08 fulan julho tinan 2020, iha Gabinete Presidente Parlamento Nacional.
Iha reunião ida ne’e, koalia kona-ba colaboração entre Parlamento Nacional Timor-Leste ho Congresso Estados Unidos nian, mak hanesan estabelecimento biblioteca Parlamento Nacional nian, no intercambio entre membro sira hussi órgão soberania rua ne’e.
Além de ne’e, Agencia Estados Unidos ba Desenvolvimento (USAID) iha programa atu haforsa competência membro Parlamento Nacional sira nian hodi halo analisa kona-ba kestaun sira ne’ebé mak sira enfrenta lor-loron, no mos haforsa profissionalismo Parlamentar.
Embaixadora ne’e mos hatete, Timor-Leste importante tebes ba Estados Unidos hanessan nasaun rua ne’ebé democrático.
