Parlamento Nacional, liu hussi reunião plenária ordinária iha loron 6 fulan julho tinan 2020, plenário halo apreciação ba relatório anual hussi Procuradoria-Geral da Republica, informação ne’e rasik apresenta hussi Procuradoria-Geral da Republica (PGR), José Ximenes ho nia comitiva.
Durante apresentação, PGR informa ba Deputado sira assuntos mak hanesan, funcionamento ou serviço Conselho Superior Ministério Publico, Procuradoria-Geral da Republica, nomos Procuradores Distrital sira nian, além de ne’e, informa mos kona-ba dinâmica processual nian, ne’ebé mak halao hussi Procurador-Geral da Republica no Procuradoria Distrital sira, nune mos serviço Conselho Superior Ministério Público nian.
Iha período de antes da ordem do dia, Deputado sira halo apreciação ba relatório fiscalização hussi Comissão E ne’ebe mak trata assunto Infraestrutura, ba iha Município Díli no Município Covalima.
Iha intervenções diversas, Deputado sira levanta assunto sira mak hanesan; preço tarifa bilhete ba autocarro iha 12 município nian; comunidades sira ne’ebe mak hela iha areadores escola; estudante sira iha estrangeiros seidauk simu subsidio; condição Escola Católica Santo Agostinho Bobonaro ne’ebe mak at no estrada ne’ebe at iha Município Bobonaro Suco Raifun;
Além de ne’e, Deputado sira mos preocupa kona-ba hotel sira ne’ebe mak uja durante situação emergência iha Díli laran no mos municipio balun to agora seidauk selu; Escola técnica rua iha Becora oras ne’e dadaun parado tanba condição la permite; idosos sira seidauk hetan pagamento; problema pista atu hasai carta condução ne’ebe mak uja rai deit; lafaek tata comunidade iha Posto Administrativo Baguia, cabo submarino no ciber optica nia processo; companhia 143 balun seidauk hetan pagamento, estandardização ba iha estrada sira iha área rurais no informação importante sira seluk.
Hatán ba preocupação sira ne’e, Ministro dos Assuntos Parlamentares e Comunicação, Francisco Jerónimo hatete, kona-ba subsídio ba estudante sira iha estrangeiros iha nação indonésia resolve ona no simu subsidio fulan tolu nian; Assunto sira seluk inclui recomendações iha relatório fiscalização Comissão E sei encaminha ba ministério relevante hodi resolve.
Sessão Plenária ne’e preside hussi Presidente Parlamento Nacional, Aniceto Longuinho Guterres, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Gerónimo no Procurador-Geral da Republica, José Ximenes ho nia equipa.
