Presidente Parlamento Nacional, Aniceto Longuinhos Guterres Lopes acompanha hussi Vice- Presidente Luis Roberto da Silva, Secretária da Mesa, Lídia Norberta dos Santos, e Vice Secretaria da Mesa, Regina Freitas, halo reunião ho Bispo Diocese Díli, Dom. Virgílio do Carmo da Silva SDB, iha loron 01 fulan julho tinan 2020 iha residência Diocese de Díli.
Depois de encontro, Presidente Parlamento Nacional informa ba Jornalista sira katak encontro ne’e hanesan encontro regular ho Bispo Diocese Díli hodi partilha informação kona-ba situação iha Parlamento Nacional nian.
Além de ne’e, Presidente mos informa assunto importante seluk mak hanesan, mandato padre Júlio Crispim hanesan membro Concelho Consultivo Fundo Petrolífero ne’ebé hotu ona, ho nune’e hussu Igreja Católica atu indigita padre ida hodi substitui.
